ትግራይ ዴሞክራሲያዊ ስምረት በዓመቱ ተስነጠቀ፤ የእነ ጣዕመ ቡድን እነ አቶ ጌታቸውን ከሰሰ፤ “ከኋላቀር ቡድን ባህሪ ጋር ተያይዞ የመጣ ድርጅት የማፍረስ በሽታ ነው”

አዲስ ሪፖርተር አዲስ አበባ — አቶ ጠዐመ አረዶም የሚመሩት ቡድን እነ አቶ ጌታቸውን ከሶ ለምርጫ ቦርድ ደብዳቤ ማስገባቱን አስታወቀ። እነ አቶ ጌታቸው በበኩላቸው እንቅስቃሴውን “ከኋላቀሩ ቡድን ባህሪ ጋር ተያይዞ የመጣ ድርጅት የማፍረስ በሽታ ነው” በማለት በቅርቡ ጉባኤ አካሂዶ እንደሚያሰናብታቸው አመልክቷል። ሙሉ መገለጫቸውን ሊንኩን ተጭነው ያንብቡ። ልዩነቱን የሰሙ “የትግራይ ፓርቲዎች መበላላት ባህላቸው ነው” ብለዋል።

ስምረት ከተቋቋመ አንድ ዓመት ሊሞላው ሳምንት እንድቀረው የሚገልጸው የእነ አቶ ጠዐመ ቡድን፣ “የሰላምና የለውጥ ምክርቤት” በሚል በተቋቋመው ህብረት ውስጥ የትግራይ ሰላም ኃይሎች፣ የሲቪክ ማህበራት፣ የሚዲያ ተቋሞች ወዘተ መካተታቸውን ይወነጅላል። ይህንኑ ጠቅሶ በሰላማዊ ትግል ለመታገል የተመዘገበ ድርጅት ከታጠቁና በህጉ ካልተካተቱ አካላት ጋር ህብረት በመፍጠሩ እርምጃ እንዲወሰድበት ጠይቋል። “እንግባባ” በማለት የተቋጨውንና በፌስ ቡክ በፓርቲው ስም የወጣውን መግለጫ የትግርኛ ትርጉም ያንብቡ።

በትግራይ ዴሞክራሲያዊ ስምረት ድርጅት / ስምረት ምክር ቤት አባላት የወጣ የጋራ መግለጫ

የትግራይ ዴሞክራሲያዊ ስምረት ድርጅት (ስምረት) በትግራይ ሕዝብ ላይ ሁሉንም ዓይነት አስተዳደራዊና የጸጥታ ጥሰቶች እየፈጸመ ነው በሚል የሚገልጸውን የቀድሞ የህወሓት ቡድን ተገፍተው ወደ አዲስ አበባ ከተሰደዱ የቀድሞ የህወሓት አባላትና ለለውጥ የሚታገሉ ተጋሩን ያቀፈ ሕጋዊ የፖለቲካ ክልላዊ ድርጅት ነው።

የስምረት ድርጅት የመጀመሪያ ጉባኤውን ካካሄደበት ጥቅምት 14 ቀን 2018 ዓ.ም. ጀምሮ አንድ ዓመት ሊሞላው አንድ ወርና አንድ ሳምንት ገደማ ቀርቶታል። ድርጅቱ ሲመሠረት በትግራይ በወጣቶች ሲመራ የነበረውንና በብቁ አመራር እጦት የተደናቀፈውን የትግራይ ሕዝብ የለውጥ ዕድል መልሶ ለማስቀጠልና የትግራይ ሕዝብን ከ“ጨቋኙ ቡድን” አስተዳደር ለማላቀቅ በሚደረገው ትግል ውስጥ ጉልህ ሚና እንዲኖረው ታስቦ ነበር።

ነገር ግን የስምረት ድርጅት ሥራ አስፈጻሚ ኮሚቴ በትግራይ በተለያዩ የመንግሥት ኃላፊነቶች ላይ እያለ በደካማ አመራሩ ምክንያት የወጣቶችንና የመላውን ሕዝብ ትግል ከማዳከሙ በተጨማሪ፣ አሁንም የስምረትን ድርጅት በመከፋፈልና በማፍረስ ላይ ተሰማርቷል።

ይህ የስምረት ሥራ አስፈጻሚ ኮሚቴ በ“ጊዜ የለንም” መንፈስ መርህንና ተቋማዊ ትግልን ከመምራትና ከማካሄድ ይልቅ፣ የስምረት ድርጅት የፖለቲካ ማዕከል የትግራይ ሕዝብ ጉዳይ እንዲሆን ከማድረግ ይልቅ፣ እንደዚህ ያለውን ትክክለኛ የትግል አቅጣጫ እንከተል ያሉ የምክር ቤት አባላትን፣ በየደረጃው ያሉ አመራሮችንና የስምረት አባላትን ከድርጅቱ ደንብ ውጭ በሆኑ መንገዶች በመቅጣት፣ በማግለል፣ ከድርጅቱ አሠራር ውጭ ሕገወጥ ሥራዎችን በመሥራትና ሌሎችም በርካታ ጥሰቶችን በመፈጸም ላይ ይገኛል።

የትግራይ ሕዝብ በከባድ ድርቅና ረሃብ፣ እንዲሁም እየተባባሰ ባለ የጦርነት ስጋት በገባበት በዚህ ተለዋዋጭና አንገብጋቢ ወቅትና ሁኔታ ውስጥ እያለ፣ የስምረት ሥራ አስፈጻሚ ኮሚቴ ሥልጣን ማጠናከርና የውስጥ ግጭት ውስጥ ይገኛል።

ሕገወጥ ሥራዎችን ከመፈጸም የማይቆጠበው የስምረት ሥራ አስፈጻሚ ኮሚቴ እስካሁን በአግባቡ መደበኛ ስብሰባ አካሂዶ የማያውቅ ሲሆን፣ ትናንት 06/01/2019 ዓ.ም. በአንድ ሆቴል ተሰብስበናል በማለት ፎቶ አንስቶ መግለጫ አውጥቷል። ይህ የሆነው በ04/01/2019 ዓ.ም. የስምረት ሥራ አስፈጻሚ ኮሚቴ አካል ሆነው የኢትዮጵያ ብሔራዊ መረጃ ቦርድ? [በመጀመሪያው ጽሑፍ “ብሔራዊ ቦርድ መረፃ” የሚለው ነው] ለሔራዊ የምርጫ ቦርድ በይፋ በተከሰሰበት ሁኔታ ነው።

በዚህ መነሻ የስምረት ሥራ አስፈጻሚ ኮሚቴ በመግለጫው የስምረትን ድርጅት የማይወክል፣ በግለሰቦች የተሰጠ ውሳኔ እና ሕገወጥ ነው።

በጣም የሚያስገርመው ደግሞ የስምረት ድርጅት ከመመሥረቱ በፊት ጀምሮ ሲጠቀምበት የነበረውን፣ የስምረት ድርጅት ምክር ቤት የሚያውቀውና ያጸደቀውን ይፋዊና ሕጋዊ የማኅበራዊ ሚዲያ መገናኛ ገጽ ትቶ፣ ሌላ ሕገወጥና የማይታወቅ አዲስ ፌስቡክ ገጽ እንደከፈተ ያለምንም እፍረት ገልጿል።

ይህም ለሥልጣን የሚያደርገውን ሩጫ ይጠቅመኛል ብሎ ያመነበትን ማንኛውንም ዓይነት ሕገወጥ ተግባር ከመፈጸም ወደ ኋላ እንደማይል ትልቅ ማረጋገጫ ነው።

ይህ የስምረት ሥራ አስፈጻሚ ኮሚቴ በተለያዩ ጊዜያትና መድረኮች የሚፈጽማቸውን ተደጋጋሚ ጥሰቶች እንዲያርም ቢነገረውም፣ እነዚህን አስተያየቶችና ግምገማዎች ችላ በማለት፣ ሥልጣንና ጥቅም ያገኝበታል ብሎ ባመነበት፣ የድርጅታችን ምክር ቤት ባልወሰነበትና ድርጅታችንን ለአደጋ ሊያጋልጥ በሚችል መንገድ፣ ራሱን “የሰላምና ለውጥ ምክር ቤት” ብሎ በሚጠራው የተዛባ አደረጃጀት ላይ በግለሰቦች ውሳኔ አንዳንድ ግለሰቦች የስምረትን ድርጅት ወክለው እንዲሳተፉ እያደረገ ነው።

ይህ የሥራ አስፈጻሚ ኮሚቴ ራሱ ወክሎ እያሳተፈ ያለው “የሰላምና ለውጥ ምክር ቤት” ተብሎ የሚጠራው ስብስብ ድርጅታችንን በሚከተሉት ሕጎች የሚጥስ ነው ብለዋል፦

1. በኢትዮጵያ የምርጫ፣ የፖለቲካ ፓርቲዎች ምዝገባና የምርጫ ሥነ-ምግባር አዋጅ ቁጥር 1162/2011 ከአንቀጽ 91 እስከ 94 በዝርዝር ከተደነገገው ውጭና እንደ ድርጅትም ሳንወያይበት የ“ሰላምና ለውጥ ምክር ቤት” የተባለ የተዛባ ተቋም እንዲቋቋምና እንዲሳተፍ ማድረግ፤

2. ራሱን “የሰላምና ለውጥ ምክር ቤት” ብሎ የሚጠራው ይህ ሕገወጥ ተቋም በውስጡ የታጠቁ ኃይሎችን፣ ሚዲያዎችንና የሕዝብ መገናኛ ብዙኃንን፣ የሲቪክ ማኅበራትንና የፖለቲካ ፓርቲዎችን ያካተተ ነው። ይህም የፖለቲካ ፓርቲዎችን የሚያስተዳድረውን አዋጅ ቁጥር 1162/2011፣ የሲቪክ ማኅበራትን የሚያስተዳድረውን አዋጅ ቁጥር 1113/2011 እና ሚዲያዎችንና የሕዝብ መገናኛ ብዙኃንን የሚያስተዳድረውን አዋጅ ቁጥር 1238/2013 የሚጥስ ሕገወጥ ስብስብ ነው ብለዋል።

እንዲሁም የዚህ “ምክር ቤት” ማኒፌስቶ ከገጽ 3 እስከ 8 በግልጽ እንደሚያስቀምጠው፣ የጸጥታና ወታደራዊ ኃይሎችን እንደሚያካትትና ሥራዎችን እንደሚያከናውን ይገልጻል። ይህም ከሕገ-መንግሥቱና ከሌሎች የፌዴራል መንግሥት ሕጎች ጋር የሚጋጭ ሆኖ ስላገኘነው፣ በተዘረዘሩት የሕግ ጥሰቶች ምክንያት እንደ ስምረት ድርጅት አመራር ድርጅታችንን ወደ አደጋ የሚያስገባና እንዲበታተን ሊያደርግ የሚችል ተግባር ስለሆነ፣ ይህንን መግለጫ ያወጣን የስምረት ምክር ቤት አባላት ራሱን “የሰላምና ለውጥ ምክር ቤት” ብሎ በሚጠራው ሕገወጥ ስብስብ ውስጥ እንደሌለን፣ በዚህ ስብስብ ስም የሚደረግ ማንኛውንም ዓይነት ውሳኔና እንቅስቃሴ እንደማንቀበል መላው አባላችን፣ አመራራችንና የሚመለከተው አካል እንዲያውቅልን እንፈልጋለን።

ከዚህ በተጨማሪ፣ ወደ ኢትዮጵያ ብሔራዊ ምርጫ ቦርድ ቀርቦ በስምረት ምክር ቤት አባላት ተፈርሞ የተላከው፣ የስምረት ሥራ አስፈጻሚ ኮሚቴን የሚከስ ሕጋዊ ክስ መልስ እስኪሰጠው ድረስ፣ በስምረት ድርጅት ስም የሚደረግ ማንኛውንም ስብሰባ፣ ውሳኔ፣ የፋይናንስ እንቅስቃሴ፣ ምደባ፣ ውክልና ወይም ሌሎች ድርጅታዊ እንቅስቃሴዎችን እንደማንቀበል እናሳውቃለን።

ይህ ካልሆነ ግን በድርጅታችን ደንብና በአዋጅ ቁጥር 1162/2011 ዓ.ም. መሠረት አስፈላጊ የሚባለውን እርምጃ እንደምንወስድ እናሳውቃለን።

መላው አባላችንና አመራራችን፣ በ04/01/2019 ዓ.ም. ወደ ኢትዮጵያ ብሔራዊ ምርጫ ቦርድ ያስገባነው፣ የሥራ አስፈጻሚ ኮሚቴን የከሰስንበት የድርጅታችን ደንብና የአዋጅ 1162/2011 ዓ.ም. ጥሰት ጉዳይ በሕግ ተይዞ ተገቢውን የሕግ ሂደት አልፎ ውሳኔ እስኪሰጠው ድረስ፣ የድርጅታችንን ደንብ በመከተል ሁሉንም ዓይነት ትግል እንድታደርጉና ከጊዜ ወደ ጊዜ የምናወጣቸውን መግለጫዎችና የምናስተላልፋቸውን መረጃዎች በንቃት እንድትከታተሉ እንጠይቃለን።

እንስማማ! የትግራይ ዴሞክራሲያዊ ስምረት ድርጅት / ስምረት ምክር ቤት አባላት